الرئيسية / أخبار التكنلوجيا / ما هوة العمل الحر

ما هوة العمل الحر

فيه سر بسيط أوي أو حاجة معظم الناس فاهمينها غلط عن الفريلانس، بيأدي إن ناس تيأس وتقول انها مش نافعة في الفريلانس او متقتنعش انه ممكن يبقا مصدر دخلهم الأساسي.
ايه هيا الحاجة دي بقا؟
هيا الاعتقاد إن الفريلانس هو مجرد انك عندك مهارة معينة، بتعرف تعمل موقع أو لوجو أو تترجم أو تكتب ..الخ

وهتقدم على شغل فا المفروض تتقبل وتشتغل وتجيب فلوس كتير وتعيش مرتاح 😃
بتبدأ تشتغل وتتفاجىء إن دا مش بيحصل، اللي بيحصل انك ممكن تتقبل في شغل بسعر قليل او معقول، ممكن تكمل مع العميل وتعمله شغل تاني وممكن لأ، ممكن تلاقي عملاء غيره وممكن لأ.
دا بيخليك تعتقد انك متقدرش تعتمد على الفريلانس كمصدر دخل أساسي لأنك بتبقا غالبا شايف العيب في العملاء اللي مش بيقبلوك أو مش بيوافقو بس بسعر قليل أوي.
ولو انت من القلة اللي عارفة ان العيب فيها، مبتبقاش عارف تحدد العيب فين عشان تصلحه.
ايه الصح بقا؟
الصح إن الفريلانس دا كيان زي أي شركة لازم يبقا فيها أقسام كتير وإلا مش هتنجح، والأقسام غالبا كالآتي:

– قسم بيطلع الشغل أو بيقدم الخدمة 

– قسم بيعمل research ويشوف السوق ناقصه ايه والشركة تقدر تسد احتياجات السوق ازاي

– قسم مسؤول عن شراء الأدوات اللي الشركة محتاجاها عشان تشتغل سواء أجهزة أو ماتريال معينة حسب الخدمة اللي الشركة بتقدمها.

– قسم التسويق واللي بيبقا مسؤول عن البراند بتاعة الشركة وإزاي تنال رضاء عملاءها وتجيب عملاء جدد.

– قسم بيبقا مسؤول عن الحسابات وفلوس الشركة اللي خارجة واللي داخلة.

– قسم مسؤول عن تعيين موظفين جدد ومتابعة أداء الموظفين الحاليين.
ممكن يكون في شرح مش دقيق وأكيد فيه شركات بيبقا فيها أقسام أكتر، بس الفكرة إنك تفهم إن الشركة أو الفريلانسر عشان ينجح مينفعش يبقا بيعمل شغل قسم واحد أو 2 من دول وبس.
غير إن معرفتك بس إن الشركات شغالة ازاي هتساعدك تفهم غرض العملاء أكتر لأنك هتبقا عارف الدنيا ماشية ازاي وهتقدر تتفاهم معاه عكس معظم الفريلانسرز اللي بالنسبالهم هما آليين بياخدو شغل ينفذوه وبس.
لما تعرف الكلام دا وإنك مسؤول عن حجات كتير يبقا انك بتقدم شغل بجودة عالية دا لو هيخليك موظف متميز في أي شركة مش هيبقا سبب نجاحك كفريلانسر لوحده.
أنت أكيد لازم تكون بتعمل شغل بجودة عالية، بس لازم برضه تعمل الآتي:

– وتعمل research عن السوق ومحتاج ايه عشان تأقلم مهاراتك أو تستغل نقط ضعف في السوق أو المنافسين عشان تتفوق عليهم.

– تستثمر في نفسك من الدخل اللي هيجيلك في إنك تطور أدواتك (النت، اللاب، البرامج اللي بتشتغل بيها، الكورسات ..الخ)

– تدي انطباع حول للعملاء وتقدر تكتب وتتعامل معاهم كويس عشان تكسبهم على المدى القصير والبعيد.

– تحسب كل فترة أنت كنت فين ووصلت فين وايه عندك ممكن يتحسن عشان توصل لنتايج أحسن.
وحجات تانية كتير بس يا رب الفكرة تكون وصلت.
الخلاصة إنك هتتعلم ومحتاج كذا حاجة ولما تعمل الحجات دي مع بعض هتقدر تبقا فريلانسر محترف وتقدر تعتمد على الفريلانس كدخل أساسي.
طبعا الحجات دي هتتعملها غالبا من مواقع أو مصادر مختلفة، بس كبداية تقدر تشوف موقع الأخ

Danny Margulies 
هو جمع الحجات دي وبيكتب بوستات بيلخص فيها اللي أنت محتاجه من الحجات الي أنا قولتها من شوية عشان تبقا فريلانسر متكامل محترف.
هو كاتب حاليا 36 بوست مطولين أنا قرأتهم كلهم مفيدين جدا جدا، غير إنه ثقة لأنه تاني سنة ليه على الموقع كان حقق 115 ألف دولار :D 
طبعا في عوامل كتير في صالحه وأهمها إنه كان native american وشغال في الكتابة فا محتاجش مجهود كبير عشان يبدأ، ولو واحد لغته الأولية مش انجليزي أكيد هيقعد وقت أكتر عشان يوصل لنفس المبلغ.
بس برضه فيه ناس كتير لغتهم كويسة وقاعدين أكتر من 10 سنين وموصلوش للمبلغ دا، لأنه فهم اللعبة ماشية ازاي وعرف إزاي يوصل لعملاء عاليين ويفرض سعر عالي مش مجرد يبقا فريلانسر بيقدم خدمة وخلاص.
البوست دا هتلاقو فيه تفاصيل أكتر عن السنة اللي كان دخله فيها 115 ألف دولار 

http://bit.ly/upwork100k
ولازم تقرأو باقي البوستات في الموقع كله زي ما قلت هيفرقو جامد.
بعد ما تقرأهم هتكون خدت فكرة كويسة عن الدنيا ماشية ازاي ولو أنت شغال هتحس بفرق كبير لما تطبق الكلام اللي فيهم. بس متقفش هنا وبما إنك هتكون عرفت الدنيا ماشية ازاي هتقدر تحدد ايه اللي ناقصك وتطوره عشان تبقا أحسن.

Print Friendly, PDF & Email

عن Bashar Al Doghmosh

شاهد أيضاً

مايكروسوفت توقف الدعم عن وندوز فيستا في 11 أبريل 2017

نهاية حياة نظام التشغيل ويندوز فيستا بعد اتمام  عشر سنوات من العمل  مرتبط

اترك رد

%d مدونون معجبون بهذه: