الرئيسية / أخبار التكنلوجيا / كيف الفيس بوك يقوم بعمل اعلان مستهدف ويصلو للمستخدم

كيف الفيس بوك يقوم بعمل اعلان مستهدف ويصلو للمستخدم

                السلام وعليكم ورحمة الله وبركاتة

لو انت من محبى الاستكشاف لكل واجهة برمجيه قدامك
اكيد سألت نفسك الفيس بوك كل اعلان بيوصلك ازاى !
لما بتعمل الاعلان ازاى فعلا الفيس بوك بيوصل اعلانك للناس المستهدفه بالظبط ?
بالطريقة العاديه بدون تداخل ال Algorithms
لو الفيس بوك عاوز يوصل بوست معين للناس المبرمجين مثلا
انهم يعمل Select all لكل ال الناس ويعرف اهتمامتهم اى ويوصل له البوست
والفيس بوك بيخش له شهريا ما يقارب من 30 بليون اكونت
الموضوع اشبه بالمستحيل انك تعرف تحلل العدد دا كله فى كل مره حد بيعمل اعلان
علشان كده الفيس بوك بيستخدم technique مهم جدا اسمه clustering
وحاجات تانيه كتيره بيستخدمها علشان ميصعبش على نفسه الموضوع

طب خلينا نركز فى البوست دا على ال Clustering دا ونفهم معناه اى بالظبط
مثال : عارف لما تروح لصيدليه تشترى منها دواء معين
فتلاقى الصيدلى بيدور فى الرف على اسم الدواء بالحرف الاول له
ومرتب الادويه بالحروف او ممكن يرتبهم على حسب الامراض نفسها
او ممكن لما يكون عندك لبس شتوى ولبس صيفى اكيد مش بتحطهم على بعض
وبتكون مرتب الصيفى فى مكان معين مبتروحش له غير لما الصيف يجى
لكن مش كل مره محتاج لبس شتوى هتروح تدور فى الصيفى و الشتوى
اعتقد ال Clustering بقى واضح هو اى بالظبط وفايدته اى ؟
نقدر نقول ال Clustering هو تقسيم بشكل معين لمجموعه items عندك
ممكن تكون العناصر دى اشخاص او منتجات او حيونات او ما الى ذلك
بيبدأ يحطهم فى ما يشبه السلات كل سله عليها اسم معين بتصنيف معين
وممكن تكون موجود انت فى كذا سله ممكن موجود فى السله الخاص بالاعمار من 20 ل 30

سنه وممكن برضوا انت تكون موجود فى السله بتاعت المصريين وفى سله تانيه لتركيا مثلا
فانت لما مثلا بتعمل check in فى مطاعم كتيره بيبدا الفيس بوك
يحطك فى ال cluster الخاص بالناس المهتميه بالمطاعم
فلما شخص يجى يعمل اعلان لمحل اكل انت اول واحد هيروحلك
وكده الفيس مبقاش محتاج يعدى على كل المشتركين فيه ويشوف هما مهتمين ولا لآ 😀
حتى لما بتعمل check in كتير فى اماكن فيها بحر بيحطك فى سلة خاصه بالناس المهتميه بالبحر ولما حد يعمل اعلان عن منتجات بحريه بتجيلك انت برضوا
هتقولى ازاى بيعرف ان فى بحر اساسا فى الصورة هنا بقى يجى دور

ال image processing المسؤال عن تحليل كل صوره وبتخرج كل عنصر فيها
بل ممكن من الموضوع دا يعرف انت مليان ولا رفيع ولا طويل ولا قصير
عن طريق مقارنات عناصر الصورة ببعضها ويوصلك اعلانات مهمه فى الحاجة الى انت مهتم بيها الخورزميات الخاصه بالفيس بوك اكبر و اعقد مما تتخيل
لازم كل ما تشوف شئ قدامك ابحث وشوف معمول ازاى
الموضوع دا هيفرق معاك جدا لما تقدم فى اى انترفيو ويلاقى عندك
خبره ودرايه كبيره باغلب المواقع الضخمه شغاله ازاى
مش بقولك تبقى برنس في الموضوع دا لآ بس تاخد معلومات هامشيه عنه
حتى لو انت مش متخصص به الفيس بوك والمواقع الكبيره مفيش عنصر فيها بيظهر لك
بشكل عشوائى كل حاجة مدروسه ومتخطط ليها كويس جدا ومعروف هى بتظهرلك ليه
وفى حاجة شبه ال Clustering شويه اسمها classfication ممكن تقرا عنها 😉
#دمتم_مبدعيين

عن Bashar Al Doghmosh

شاهد أيضاً

WhatsApp تنوي اعادة الحالة النصية في تطبيقها

في منتصف شهر فبراير شباط قامت شركة فيس بوك المالكة لتطبيق واتساب بإيقاف ميزة الحالة …

اترك رد

%d مدونون معجبون بهذه: